तेषां ज्ञानी नित्ययुक्त...

श्लोकः सम्पादयतु

गीतोपदेशः

तेषां ज्ञानी नित्ययुक्त एकभक्तिर्विशिष्यते ।

प्रियो हि ज्ञानिनोऽत्यर्थमहं स च मम प्रियः ॥ १७ ॥

अयं भगवद्गीतायाः सप्तमोध्यायस्य ज्ञानविज्ञानयोगस्य सप्तदशः(१७) श्लोकः ।

तेषां ज्ञानी नित्ययुक्तः एकभक्तिः विशिष्यते प्रियः हि ज्ञानिनः अत्यर्थम् अहं स च मम प्रियः ॥ १७ ॥

तेषां नित्ययुक्तः एकभक्तिः ज्ञानी विशिष्यते । अहं हि ज्ञानिनः अत्यर्थं प्रियः । सः च मम प्रियः ।

तेषाम् = तेषु

नित्ययुक्तः = सततयोगी

एकभक्तिः = अनन्यभक्तिः

ज्ञानी = ज्ञानवान्

विशिष्यते = अतिरिच्यते

अहं हि = अहम्

ज्ञानिनः = ज्ञानवतः

अत्यर्थम् = अतिशयेन

प्रियः = अभीष्टः

सः च = सः अपि

मम = मे

प्रियः = अभीष्टः ।

तेषां सततयोगी अनन्यभक्तिः ज्ञानी विशिष्यते । अहं ज्ञानवतः अतीव प्रियः । सोऽपि मम अतीवप्रियः ।