बहूनां जन्मनामन्ते...

श्लोकः

गीतोपदेशः

बहूनां जन्मनामन्ते ज्ञानवान्मां प्रपद्यते ।

वासुदेवः सर्वमिति स महात्मा सुदुर्लभः ॥ १९ ॥

अयं भगवद्गीतायाः सप्तमोध्यायस्य ज्ञानविज्ञानयोगस्य नवदशः(१९) श्लोकः ।

बहूनां जन्मनाम् अन्ते ज्ञानवान् मां प्रपद्यते वासुदेवः सर्वम् इति स महात्मा सुदुर्लभः ॥ २९ ॥

बहूनां जन्मनाम् अन्ते वासुदेवः सर्वम् इति (यः) ज्ञानवान् मां प्रपद्यते सः महात्मा सुदुर्लभः ।

बहूनाम् = असङ्ख्यानाम्

जन्मनाम् = जन्मनाम्

अन्ते = अवसाने

वासुदेवः = नारायणः

सर्वम् इति = निखिलम् इति

(यः = यः पुरुषः)

ज्ञानवान् = ज्ञानयुक्तः

मां प्रपद्यते = मां प्राप्नोति

सः = तादृशः

महात्मा = महानुभावः

सुदुर्लभः = अत्यन्तं दुष्प्रापः ।

असङ्ख्यानां जन्मनाम् समाप्तौ सत्यां सर्वमपि एतत् वासुदेवः इति ज्ञानयुक्तः मां प्राप्नोति । तादृशः पुरुषः अत्यन्तं दुष्प्रापः ।