मय्यासक्तमनाः पार्थ...

श्लोकः

गीतोपदेशः

श्री भगवानुवाच -

मय्यासक्तमनाः पार्थ योगं युञ्जन्मदाश्रयः ।

असंशयं समग्रं मां यथा ज्ञास्यसि तच्छृणु ॥ १ ॥

अयं भगवद्गीतायाः सप्तमोध्यायस्य ज्ञानविज्ञानयोगस्य प्रथमः(१) श्लोकः ।

मयि आसक्तमनाः पार्थ योगं युञ्जन् मदाश्रयः असंशयं समग्रं मां यथा ज्ञास्यसि तत् श्रुणु ॥ १ ॥

पार्थ ! मयि आसक्तमनाः योगं युञ्जन् मदाश्रयः असंशयं समग्रं मां यथा ज्ञास्यसि तत् शृणु ।

पार्थ = अर्जुन !

मयि = परमेश्वरे

आसक्तमनाः = लग्नचित्तः

योगम् = समाधिम्

युञ्जन् = अभ्यस्यन्

मदाश्रयः = मामेव अवलम्बमानः

असंशयम् = निस्सन्देहम्

समग्रम् = निरवशेषम्

माम् = माम्

यथा = येन प्रकारेण

ज्ञास्यसि = बोधिष्यसि

(तथा) तत् = तेन प्रकारेण एतत्

शृणु = आकर्णय ।

पार्थ ! मयि एव मनः निवेश्य मामेव आश्रयन् समाधिं च कुर्वन् तत्सर्वं निस्संशयं ज्ञातुम् अर्हसि यदहं कथयामि ।