स तया श्रद्धया युक्तः...

श्लोकः

गीतोपदेशः

स तया श्रद्धया युक्तस्तस्या राधनमीहते ।

लभते च ततः कामान्मयैव विहितान्हि तान् ॥ २२ ॥

अयं भगवद्गीतायाः सप्तमोध्यायस्य ज्ञानविज्ञानयोगस्य द्वाविंशतितमः(२२) श्लोकः ।

सः तया श्रद्धया युक्तः तस्य आराधनम् ईहते लभते च ततः कामान् मया एव विहितान् हि तान् ॥ २२ ॥

सः तया श्रद्धया युक्तः तस्याः राधनम् ईहते । ततः च मया एव विहितान् तान् कामान् हि लभते ।

सः = सः भक्तः

तया श्रद्धया = तया आसक्त्या

युक्तः = संयुक्तः

तस्याः = एतस्य मूर्तेः

आराधनम् = सेवनम्

ईहते = करोति

ततः च = पश्चात्

मया एव = भगवता मया एव

विहितान् = दत्तानि

तान् कामान् = तानि फलानि

लभते हि = प्राप्नोति खलु ।

सः भक्तः तया आसक्त्या युक्तः सन् तस्याः देवतातनोः सेवनं करोति । पश्चात् मया एव दत्तानि तानि फलानि प्राप्नोति ।