अव्यक्तं व्यक्तिमापन्नं...

श्लोकः

गीतोपदेशः

अव्यक्तंव्यक्तिमापन्नं मन्यन्ते मामबुद्धयः ।

परं भावमजानन्तो ममाव्ययमनुत्तमम् ॥ २४ ॥

अयं भगवद्गीतायाः सप्तमोध्यायस्य ज्ञानविज्ञानयोगस्य चतुर्विंशतितमः(२४) श्लोकः ।

अव्यक्तं व्यक्तिम् आपन्नं मन्यन्ते माम् अबुद्धयः परं भावम् अजानन्तः मम अव्ययम् अनुत्तमम् ॥ २४ ॥

अबुद्धयः मम अनुत्तमं परम् अव्ययं भावम् अजानन्तः अव्यक्तंमां व्यक्तिम् आपन्नं मन्यन्ते ।

अबुद्धयः = अविवेकिनः

मम = मे

अनुत्तमम् = उत्तमोत्तमम्

परम् = उत्कृष्टम्

अव्ययम् = नाशरहितम्

भावम् = स्वरूपम्

अजानन्तः = अविदन्तः

अव्यक्तम् = अप्रकाशम्

माम् = माम्

व्यक्तिम् = प्रकाशम्

आपन्नम् = प्राप्तवन्तम्

मन्यन्ते = चिन्तयन्ति ।

अविवेकिनः मम उत्तमोत्तमम् उत्कृष्टम् नाशरहितं स्वरूपम् अजानन्तः अप्रकाशं मां मत्स्यकूर्मादिरूपेण प्रकाशं प्राप्तवन्तं चिन्तयन्ति ।