ज्ञानं तेऽहं सविज्ञानम्...

श्लोकः

गीतोपदेशः

ज्ञानं तेऽहं सविज्ञानमिदं वक्ष्याम्यशेषतः ।

यज्ज्ञात्वा नेह भूयोऽन्यज्ज्ञातव्यमवशिष्यते ॥ २ ॥

अयं भगवद्गीतायाः सप्तमोध्यायस्य ज्ञानविज्ञानयोगस्य द्वितीयः(२) श्लोकः ।

ज्ञानं ते अहं सविज्ञानम् इदं वक्ष्यामि अशेषतः यत् ज्ञात्वा न इह भूयः अन्यत् ज्ञातव्यम् अवशिष्यते ॥ २ ॥

अहम् इदं सविज्ञानं ज्ञानं ते अशेषतः वक्ष्यामि यत् ज्ञात्वा अन्यत् ज्ञातव्यं भूयः इह न अवशिष्यते ।

अहम् = सर्वेश्वरः अहम्

इदम् = एतत्

सविज्ञानम् = अनुभवसहितम्

ज्ञानम् = परमात्मज्ञानम्

ते = तव

अशेषतः = समग्रम्

वक्ष्यामि = कथयिष्यामि

यत् ज्ञात्वा = यत् अवबुद्ध्य

ज्ञातव्यम् = बोद्धव्यम्

अन्यत् = इतरत्

भूयः = पुनः

इह = अत्र

न अवशिष्यते = परिशिष्टं न भवति ।

अहम् एतत् अनुभवसहित परमात्मज्ञानं ते अशेषतः वक्ष्यामि । एतद् यदि जानासि तर्हि पश्चात् अस्मिन् लोके ज्ञातव्यम् अन्यत् किमपि ते न अवशिष्यते ।