साधिभूताधिदैवं मां...

श्लोकः

गीतोपदेशः

साधिभूताधिदैवं मां साधियज्ञं च ये विदुः ।

प्रयाणकालेऽपि च मां ते विदुर्युक्तचेतसः ॥ ३० ॥

अयं भगवद्गीतायाः सप्तमोध्यायस्य ज्ञानविज्ञानयोगस्य त्रिंशत्तमः(३०) श्लोकः ।

साधिभूताधिदैवं मां साधियज्ञं च ये विदुः प्रयाणकाले अपि च मां ते विदुः युक्तचेतसः ॥ ३० ॥

ये साधिभूताधिदैवं साधियज्ञं च मां विदुः ते युक्तचेतसः प्रयाणकाले अपि च मां विदुः ।

ये = ये मानवाः

साधिभूताधिदैवम् = प्रतिभूतं प्रतिदैवं च वर्तमानम्

साधियज्ञं च = प्रतियज्ञमपि वर्तमानम्

मां विदुः = मां जानन्ति

ते = ते मानवाः

युक्तचेतसः = समाहितमनसः

प्रयाणकाले अपि च = मरणसमये अपि

मां विदुः = मां जानन्ति ।

ये मां प्रतिभूतं प्रतिदैवं प्रतियज्ञं च वर्तमानं जानन्ति ते मानवाः समाहितमनसः मरणसमये अपि मां जानन्ति ।