मनुष्याणां सहस्रेषु...

श्लोकः

गीतोपदेशः

मनुष्याणां सहस्रेषु कश्चिद्यतति सिद्धये ।

यततामपि सिद्धानां कश्चिन्मां वेत्ति तत्त्वतः ॥ ३ ॥

अयं भगवद्गीतायाः सप्तमोध्यायस्य ज्ञानविज्ञानयोगस्य तृतीयः(३) श्लोकः ।

पदच्छेदः

मनुष्याणां सहस्रेषु कश्चित् यतति सिद्धये यततामपि सिद्धानां कश्चित् मां वेत्ति तत्त्वतः ॥ ३ ॥

अन्वयः

मनुष्याणां सहस्रेषु कश्चित् सिद्धये यतति । यततामपि सिद्धानां कश्चित् मां तत्त्वतः वेत्ति ।

शब्दार्थः

मनुष्याणाम् = मानवानाम्

सहस्रेषु = सहस्रेषु

कश्चित् = कोऽपि

सिद्धये = सिद्ध्यर्थम्

यतति = प्रयत्नं करोति

यतताम् अपि = प्रयत्नं कुर्वताम् अपि

सिद्धानाम् = ज्ञानिनाम्

कश्चित् = कोऽपि

माम् = माम्

तत्त्वतः = यथावत्

वेत्ति = जानाति ।

अर्थः

वस्तुतः अहं दुर्ज्ञेयः अस्मि । बहुषु मानवेषु कोऽपि सिद्ध्यर्थं प्रयत्नं करोति । तेन प्रयत्नेन च ये सिद्धिं प्राप्नुवन्ति तेषु अपि कश्चिदेव मां यथावत् ज्ञातुं शक्नोति ।

सम्बद्धाः लेखाः

• संस्कृतम्
• श्रीमद्भगवद्गीता
• शङ्कराचार्यः
• रामानुजाचार्यः