पुण्यो गन्धः पृथिव्यां च...

श्लोकः सम्पादयतु

गीतोपदेशः

पुण्यो गन्धः पृथिव्यां च तेजश्चास्मि विभावसौ ।

जीवनं सर्वभूतेषु तपश्चास्मि तपस्विषु ॥ ९ ॥

अयं भगवद्गीतायाः सप्तमोध्यायस्य ज्ञानविज्ञानयोगस्य नवमः(९) श्लोकः ।

पुण्यः गन्धः पृथिव्यां च तेजः च अस्मि विभावसौ जीवनं सर्वभूतेषु तपः च अस्मि तपस्विषु ॥ ९ ॥

पृथिव्यां च पुण्यः गन्धः विभावसौ तेजः च अस्मि । सर्वभूतेषु जीवनं तपस्विषु तपः च अस्मि ।

पृथिव्यां च = भूमौ

पुण्यः = स्वाभाविकः

गन्धः = गन्धः

विभावसौ = सूर्ये

तेजः च = कान्तिःच

अस्मि = भवामि

सर्वभूतेषु = सकलप्राणिषु

जीवनम् = आयुः

तपस्विषु = मुनिषु

तपः च = तपः अपि

अस्मि = भवामि ।

अहं पृथिव्यां सुरभिः गन्धः सूर्ये कान्तिः च अस्मि । सकलप्राणिषु आयुः तपस्विषु तपः च अस्मि ।