मामुपेत्य पुनर्जन्म...

श्लोकः

गीतोपदेशः

मामुपेत्य पुनर्जन्म दुःखालयमशाश्वतम् ।

नाप्नुवन्ति महात्मानः संसिद्धिं परमां गताः ॥ १५ ॥

अयं भगवद्गीतायाः अष्टमोऽध्यायस्य अक्षरब्रह्मयोगस्य पञ्चदशः (१५) श्लोकः ।

माम् उपेत्य पुनर्जन्म दुःखालयम् अशाश्वतं न आप्नुवन्ति महात्मानः संसिद्धिं परमां गताः ॥ १५ ॥

परमां संसिद्धिं गताः महात्मानः माम् उपेत्य अशाश्वतं दुःखालयं पुनर्जन्म न आप्नुवन्ति |

परमाम् = उत्कृष्टाम्

संसिद्धिम् = सिद्धिम् (मोक्षरूपाम्)

गताः = प्राप्ता:

महात्मानः = महापुरुषा:

माम् उपेत्य = मां लब्ध्वा

अशाश्वतम् = अस्थिरम्

दुःखालयम् = दु:खस्थानम्

पुनर्जन्म = पुनर्जन्म

न आप्नुवन्ति = न लभन्ते |

उत्कृष्टां मोक्षरूपां सिद्धिं प्राप्तवन्त: महापुरुषा: यदा मां लभन्ते पश्चात् ते क्षणिकं दु:खस्थानमिदं पुनर्जन्म न प्राप्नुवन्ति |