आब्रह्मभुवनाल्लोकाः...

श्लोकः

गीतोपदेशः

आब्रह्मभुवनाल्लोकाः पुनरावर्तिनोऽर्जुन ।

मामुपेत्य तु कौन्तेय पुनर्जन्म न विद्यते ॥ १६ ॥

अयं भगवद्गीतायाः अष्टमोऽध्यायस्य अक्षरब्रह्मयोगस्य षोडशः (१६) श्लोकः ।

आब्रह्मभुवनात् लोकाः पुनरावर्तिनः अर्जुन माम् उपेत्य तु कौन्तेय पुनर्जन्म न विद्यते ॥ १६ ॥

अर्जुन ! आब्रह्मभुवनात् लोकाः पुनरावर्तिनः । कौन्तेय ! माम् उपेत्य तु पुनर्जन्म न विद्यते ।

अर्जुन = हे अर्जुन !

आब्रह्मभुवनात् = ब्रह्मलोकपर्यन्तम्

लोकाः = भुवनानि

पुनः आवर्तिनः = आवर्तनशीलानि

कौन्तेय = अर्जुन !

माम् उपेत्य = मां प्राप्य (स्थितस्य)

पुनर्जन्म = पुनर्जन्म

न विद्यते = नास्ति ।

अर्जुन ! आब्रह्मलोकात् सर्वेऽपि लोकाः आवर्तनशीलाः इति हेतोः ते न शाश्वताः । कौन्तेय ! परन्तु मां प्राप्तवतः तु सर्वथा पुनर्जन्म नास्ति ।