सहस्रयुगपर्यन्तम्...

श्लोकः

गीतोपदेशः

सहस्रयुगपर्यन्तमहर्यद् ब्रह्मणो विदुः ।

रात्रिं युगसहस्रान्तां तेऽहोरात्रविदो जनाः ॥ १७ ॥

अयं भगवद्गीतायाः अष्टमोऽध्यायस्य अक्षरब्रह्मयोगस्य सप्तदशः (१७) श्लोकः ।

सहस्रयुगपर्यन्तम् अहः यत् ब्रह्मणः विदुः रात्रिं युगसहस्रान्तां ते अहोरात्रविदः जनाः ॥ १७ ॥

ब्रह्मणः यत् अहः सहस्रयुगपर्यन्तं ये विदुः ते अहोरात्रविदः जनाः रात्रिं युगसहस्रान्तां विदुः ।

ब्रह्मणः = प्रजापतेः

अहः = दिनम्

सहस्रयुगपर्यन्तम् = युगसहस्रावधिकम्

ये विदुः = ये जानन्ति

ते अहोरात्रविदः = ते कालज्ञाः

जनाः = मानवाः

रात्रिम् = निशाम्

युगसहस्रान्ताम् = युगसहस्रावधिकीम्

विदुः = जानन्ति ।

कालज्ञाः जनाः प्रजापतेः दिनं युगसहस्रमिति वदन्ति, तथा रात्रिं युगसहस्रम् । तस्मात् ब्रह्मलोकादयः क्षणिकाः ।