भूतग्रामः स एवायं...

श्लोकः

गीतोपदेशः

भूतग्रामः स एवायं भूत्वा भूत्वा प्रलीयते ।

रात्र्यागमेऽवशः पार्थ प्रभवत्यहरागमे ॥ १९ ॥

अयं भगवद्गीतायाः अष्टमोऽध्यायस्य अक्षरब्रह्मयोगस्य नवदशः(१९) श्लोकः ।

भूतग्रामः स एव अयं भूत्वा भूत्वा प्रलीयते रात्र्यागमे अवशः पार्थ प्रभवति अहरागमे ॥ १९ ॥

पार्थ ! सः एव अयं भूतग्रामः अवशः भूत्वा भूत्वा रात्र्यागमे प्रलीयते । अहरागमे प्रभवति ।

पार्थ = अर्जुन !

सः एव अयम् = सः एव एषः

भूतग्रामः = भूतसमुदायः

अवशः = कर्मपरवशः सन्

भूत्वा भूत्वा = पुनः पुनः उत्पद्य

रात्र्यागमे = निशारम्भे

प्रलीयते = निलीयते

अहरागमे = दिनारम्भे

प्रभवति = उत्पद्यते ।

अर्जुन ! सः एषः भूतसमुदायः कर्माधीनः सन् पुनःपुनः उत्पद्य निशारम्भे निलीयते । दिनारम्भे प्रभवति ।