पुरुषः स परः पार्थ...

श्लोकः

गीतोपदेशः

पुरुषः स परः पार्थ भक्त्या लभ्यस्त्वनन्यया ।

यस्यान्तःस्थानि भूतानि येन सर्वमिदं ततम् ॥ २२ ॥

अयं भगवद्गीतायाः अष्टमोऽध्यायस्य अक्षरब्रह्मयोगस्य द्वाविंशतितमः (२२) श्लोकः ।

पुरुषः सः परः पार्थ भक्त्या लभ्यः तु अनन्यया यस्य अन्तस्थानि भूतानि येन सर्वम् इदं ततम् ॥ २२ ॥

पार्थ ! भूतानि यस्य अन्तःस्थानि, येन इदं सर्वं ततम्, सः तु परः पुरुषः अनन्यया भक्त्या लभ्यः ।

पार्थ = अर्जुन !

भूतानि = भूतसमुदायः

यस्य अन्तःस्थानि = यस्य अन्तः वर्तते

येन = येन

इदं सर्वम् = इदं कृत्स्नम्

ततम् = व्याप्तम्

सः तु = प्रसिद्धः

परः पुरुषः = उत्तमः परमात्मा

अनन्यया भक्त्या = एकान्तभक्त्या

लभ्यः = प्राप्यः ।

अर्जुन ! सर्वाणि भूतानि यस्मिन् अन्तर्गतानि सन्ति, येन च सर्वमिदं व्याप्तं वर्तते तादृशं तत् ब्रह्म केवलम् एकान्तभक्त्या एव लभ्यम् । ।