धूमो रात्रिस्तथा कृष्णः...

श्लोकः

गीतोपदेशः

धूमो रात्रिस्तथा कृष्णः षण्मासा दक्षिणायनम् ।

तत्र चान्द्रमसं ज्योतिर्योगी प्राप्य निवर्तते ॥ २५ ॥

अयं भगवद्गीतायाः अष्टमोऽध्यायस्य अक्षरब्रह्मयोगस्य पञ्चविंशतितमः(२५) श्लोकः ।

धूमः रात्रिः तथा कृष्णः षण्मासाः दक्षिणायनम् तत्र चान्द्रमसं ज्योतिः योगी प्राप्य निवर्तते ॥ २५ ॥

धूमः रात्रिः कृष्णः तथा षण्मासाः दक्षिणायनं तत्र योगी चान्द्रमसं ज्योतिः प्राप्य निवर्तते ।

धूमः = धूमः (देवता)

रात्रिः = निशा (देवता)

कृष्णः = कृष्णपक्षः (देवता)

तथा = एवम्

षण्मासाः दक्षिणायनम् = षण्मासावधिकं दक्षिणायनम्

तत्र = तस्मिन् समये

योगी = कर्मयोगी च

चान्द्रमसम् = चन्द्रसम्बन्धि

ज्योतिः = अर्चिः (कान्तिम्)

प्राप्य = लब्ध्वा

निवर्तते = पुनः आगच्छति ।

यत्र धूमः (देवता) रात्रिः (देवता) एवं कृष्णपक्षः (देवता) षण्मासाः दक्षिणायनम् (देवता) तत्र काले गतः योगी चन्द्रलोकं प्राप्य निवर्तते ।