शुक्लकृष्णे गती ह्येते...
(८.२६ शुक्लकृष्णे.... इत्यस्मात् पुनर्निर्दिष्टम्)
श्लोकः
सम्पादयतु
- शुक्लकृष्णे गती ह्येते जगतः शाश्वते मते ।
- एकया यात्यनावृत्तिमन्ययावर्तते पुनः ॥ २६ ॥
अयं भगवद्गीतायाः अष्टमोऽध्यायस्य अक्षरब्रह्मयोगस्य षड्विंसशतितमहः (२६) श्लोकः ।
पदच्छेदः
सम्पादयतुशुक्लकृष्णे गती हि एते जगतः शाश्वते मते एकया याति अनावृत्तिम् अन्यया आवर्तते पुनः ॥ २६ ॥
अन्वयः
सम्पादयतुएते हि शुक्लकृष्णे गती जगतः शाश्वते मते । एकया अनावृत्तिं याति अन्यया पुनः आवर्तते ।
शब्दार्थः
सम्पादयतु- एते हि = इमे
- शुक्लकृष्णे = शुक्ला कृष्णा चेति
- गती = मार्गौ
- जगतः = प्रपञ्चस्य
- शाश्वते = नित्यौ
- मते = अभीष्टौ
- एकया = एकेन मार्गेण
- अनावृत्तिम् = अनागमनम्
- याति = गच्छति
- अन्यया = अपरेण मार्गेण
- पुनः = भूयः
- आवर्तते = आवृत्तिं प्राप्नोति ।
अर्थः
सम्पादयतुएवं शुक्लः कृष्णः चेति द्वौ मार्गौ स्तः । तत्र शुक्लमार्गेण ये गच्छन्ति ते न पुनरायान्ति । कृष्णमार्गेण पुनः ये गच्छन्ति ते चन्द्रलोकं प्राप्य पुनरायान्ति ।