नैते सृती पार्थ जानन्...

श्लोकः

गीतोपदेशः

नैते सृती पार्थ जानन्योगी मुह्यति कश्चन ।

तस्मात्सर्वेषु कालेषु योगयुक्तो भवार्जुन ॥ २७ ॥

अयं भगवद्गीतायाः अष्टमोऽध्यायस्य अक्षरब्रह्मयोगस्य सप्तविंशतितमः (२७) श्लोकः ।

न एते सृती पार्थ जानन् योगी मुह्यति कश्चन तस्मात् सर्वेषु कालेषु योगयुक्तः भव अर्जुन ॥ २७ ॥

पार्थ ! एते सृती जानन् कश्चन योगी न मुह्यति । तस्मात् अर्जुन ! सर्वेषु कालेषु योगयुक्तः भव ।

पार्थ = अर्जुन !

कश्चन = कोऽपि

योगी = समाहितचित्तः

एते = इमे

सृती = गती

जानन् = विदन्

न मुह्यति = भ्रान्तो न भवति

तस्मात् = ततः हेतोः

सर्वेषु = निखिलेषु

कालेषु = समयेषु

योगयुक्तः = समाधिविशिष्टः

भव = वर्तस्व ।

अर्जुन ! एतौ मार्गौ विदन् कोऽपि योगी भ्रान्तो न भवति । तस्मात् सर्वेषु कालेषु समाहितचित्तः भव।