अन्तकाले च मामेव...

श्लोकः

गीतोपदेशः

अन्तकाले च मामेव स्मरन्मुक्त्वा कलेवरम् ।

यः प्रयाति स मद्भावं याति नास्त्यत्र संशयः ॥ ५ ॥

अयं भगवद्गीतायाः अष्टमोऽध्यायस्य अक्षरब्रह्मयोगस्य पञ्चमः(५) श्लोकः ।

अन्तकाले च माम् एव स्मरन् उक्त्वा कलेवरम् यः प्रयाति स मद्भावं याति न अस्ति अत्र संशयः ॥ ५ ॥

यः अन्तकाले च माम् एव स्मरन् कलेवरं मुक्त्वा प्रयाति सः पुरुषः मद्भावं याति । अत्र न संशयः ।

अन्तकाले च = मरणसमये

माम् एव = मामेव

स्मरन् = चिन्तयन्

कलेवरम् = देहम्

मुक्त्वा = परित्यज्य

यः प्रयाति = यः गच्छति

सः = सः पुरुषः

मावम् = मद्रूपताम्

याति = प्रयाति

अत्र = अस्मिन् विषये

संशयः = सन्देहः

न अस्ति = न वर्तते ।

यः अन्तकाले माम् एव चिन्तयन् शरीरं परित्यजति सः पुरुषः अवश्यं मदभेदं प्राप्नोति । अस्मिन् विषये सन्देहः न वर्तते ।