यं यं वापि स्मरन्भावं...

श्लोकः

गीतोपदेशः

यं यं वापि स्मरन्भावं त्यजत्यन्ते कलेवरम् ।

तं तमेवैति कौन्तेय सदा तद्भावभावितः ॥ ६ ॥

अयं भगवद्गीतायाः अष्टमोऽध्यायस्य अक्षरब्रह्मयोगस्य षष्ठः(६) श्लोकः ।

यं यं वा अपि स्मरन् भावं त्यजति अन्ते कलेवरम् तं तम् एव एति कौन्तेय सदा तद्भावभावितः ॥ ६ ॥

कौन्तेय ! अन्ते यं यं वा अपि भावं स्मरन् कलेवरं त्यजति (सः) सदा तद्भावभावितः तं तम् एव एति ।

कौन्तेय = कुन्तीपुत्र

यं यं वा अपि = यादृशम्

भावम् = देवताविशेषम्

स्मरन् = चिन्तयन्

अन्ते = अन्तकाले

कलेवरम् = देहम्

त्यजति = मुञ्चति

(सः) सदा = सततम्

तावभावितः = तदनुसन्धान - संस्कृतचित्तः सन्

तं तम् एव = तादृशं देवताविशेषमेव

एति = प्राप्नोति ।

कौन्तेय ! जीवः स्वस्य अन्तकाले यादृशं भावं चिन्तयन् शरीरं त्यजति यस्यानुसन्धानं तेन पुनः पुनः कृतम्, सः तस्य भावं प्राप्नोति ।