पिताहमस्य जगतो...

श्लोकः

गीतोपदेशः

पिताहमस्य जगतो माता धाता पितामहः ।

वेद्यं पवित्रमोङ्कारः ऋक्साम यजुरेव च ॥ १७ ॥

अयं भगवद्गीतायाः नवमोध्यायस्य राजविद्याराजगुह्ययोगस्य सप्तदशः(१७) श्लोकः ।

पिताहम् अस्य जगतः माता धाता पितामहः वेद्यं पवित्रम् ओङ्कारः ऋक्साम यजुरेव च ॥ १७ ॥

अस्य जगतः पिता माता धाता पितामहः वेद्यं पवित्रम् ओङ्कारः ऋक् साम यजुः च अहम् एव ।

अस्य = एतस्य

जगतः = प्रपञ्चस्य

पिता = जनकः

माता = जननी

धाता = पोषयिता

पितामहः = पितुः पिता

वेद्यम् = वेदितव्यं वस्तु

पवित्रम् = पावनं वस्तु

ओारः = प्रणवः

ऋक् = ऋग्वेदः

साम = सामवेदः

यजुः च = यजुर्वेदः च

अहमेव = अहमेव ।

अहमेव अस्य जगतः पिता, माता, पोषयिता, पितामहः, ज्ञेयं वस्तु, पावयिता, ओारः, ऋग्वेदादिश्च अस्मि।