ये तु धर्म्यामृतमिदं...

श्लोकः

गीतोपदेशः

ये तु धर्म्यामृतमिदं यथोक्तं पर्युपासते ।

श्रद्दधाना मत्परमा भक्तास्तेऽतीव मे प्रियाः ॥ २० ॥

अयं भगवद्गीतायाः द्वादशोऽध्यायस्य भक्तियोगस्य विंशतितमः(२०) श्लोकः ।

ये तु धर्म्यामृतम् इदं यथा उक्तं पर्युपासते श्रद्दधानाः मत्परमाः भक्ताः ते अतीव मे प्रियाः ॥ २० ॥

ये तु भक्ताः श्रद्दधानाः मत्परमाः यथा उक्तं इदं धर्म्यामृतं पर्युपासते ते मे अतीव प्रियाः ।

ये तु = ये पुनः

भक्ताः = भक्तिमन्तः

श्रद्दधानाः = विश्वासयुक्ताः

मत्परमाः = मन्निष्ठाः

यथोक्तम् = यथाप्रतिपादितम्

इदम् = एतत्

धर्म्यामृतम् = सुधासदृशं धर्मयुक्तम्

पर्युपासते = सेवन्ते

ते = ते पुरुषाः

मे = मम

अतीव = अत्यन्तम्

प्रियाः = अभीष्टाः ।

ये तु भक्तिमन्तः, विश्वासयुक्ताः, मन्निष्ठाः, यथाप्रतिपादितं धर्मयुक्तं सुधासमानम् इदं च आचरन्ति ते पुरुषाः मम अत्यन्तम् अभीष्टाः ।