रुद्रप्रयागमण्डलम्
रुद्रप्रयागमण्डलम् ( ( शृणु) /ˈrʊdrəprəjɑːɡəməndələm/) (हिन्दी: रुद्रप्रयाग जिला, आङ्ग्ल: Rudraprayag District) उत्तराखण्डराज्यस्य गढवालविभागे स्थितं किञ्चन मण्डलम् अस्ति । अस्य मण्डलस्य केन्द्रम् अस्ति रुद्रप्रयाग इति नगरम् । रुद्रप्रयागमण्डलं
जलपात-नदी-उपत्यकादिप्राकृतिकसौन्दर्येभ्यः प्रख्यातमस्ति ।
रुद्रप्रयागमण्डलम् Rudrapryag District | |
---|---|
रुद्रप्रयाग जिला | |
![]() रुद्रप्रयागमण्डलस्य शिवमन्दिरम् | |
देशः |
![]() |
राज्यम् | उत्तराखण्डः |
उपमण्डलानि | रुद्रप्रयाग, उखीमठ, जखोली |
विस्तारः | २,४३९ च.कि.मी. |
जनसङ्ख्या(२०११) | २,४२,२८५ |
Time zone | UTC+५:३० (भारतीयमानसमयः(IST)) |
साक्षरता | ८१.३०% |
भाषाः | गढवाली, हिन्दी, आङ्ग्लं च |
लिङ्गानुपातः | पु.-५०%, स्त्री.-४९% |
Website | http://rudraprayag.nic.in/ |
भौगोलिकम् सम्पादयतु
रुद्रप्रयागमण्डलस्य विस्तारः २,४३९ च.कि.मी.-मितः अस्ति । उत्तराखण्डराज्यस्य उत्तरभागे इदं मण्डलमस्ति । अस्योत्तरदिशि उत्तरकाशीमण्डलं, दक्षिणदिशि पौरीगढवालमण्डलं, पूर्वदिशि चमोलीमण्डलं, पश्चिमदिशि टिहरीगढवालमण्डलम् अस्ति ।
जनसङ्ख्या सम्पादयतु
रुद्रप्रयागमण्डलस्य जनसङ्ख्या(२०११) २,४२,२८५ अस्ति । अत्र १,१४,५८९ पुरुषाः, १,२७,६९६ स्त्रियः, ३२,०४६ बालकाः (१६,८२३ बालकाः, १५,२२३ बालिकाः च) सन्ति । अस्मिन् मण्डले प्रतिचतुरस्रकिलोमीटर्मिते १२२ जनाः वसन्ति अर्थात् अस्य मण्डलस्य जनसङ्ख्यासान्द्रता प्रतिचतुरस्रकिलोमीटर् १२२ जनाः । २००१-२०११ दशके अस्मिन् मण्डले जनसङ्ख्यावृद्धिः ६.५३% आसीत् । अत्र पुं-स्त्री अनुपातः १०००-१११४ अस्ति । अत्र साक्षरता ८१.३०% अस्ति । अत्र लिङ्गानुगुणं साक्षरतानुपातः पुं - ९३.९०% स्त्री – ७०.३५% अस्ति ।
उपमण्डलानि सम्पादयतु
अस्मिन् मण्डले त्रीणि उपमण्डलानि सन्ति । तानि- रुद्रप्रयाग, उखीमठ, जखोली
वीक्षणीयस्थलानि सम्पादयतु
रुद्रप्रयागः सम्पादयतु
अलकनन्दा-मन्दाकिनी-नद्योः तीरे स्थतमस्त्येतत् तीर्थक्षेत्रम् । अस्मिन् स्थले अलकन्दा-मन्दाकिन्योः सङ्गमो भवति । पुराणेषूल्लिखितं यत्, नारदः अस्मिन् स्थले यदा तपः आचरन् आसीत्, तदा शिवः तस्मै रुद्रावताररूपेण दर्शनं प्रादात् । तदारभ्य अत्र रुद्रमन्दिरमस्ति । अतः अस्य स्थलस्य नाम रुद्रप्रयाग इति ।
अगस्त्यर्षेः आश्रमः सम्पादयतु
रुद्रप्रयागात् अष्टादश (१८) कि.मी. दूरे स्थितः अगस्त्यर्षेः आश्रमः पौराणिकतथ्यान् सिद्धयति । पुराणानुसारम् अगस्त्यर्षिः तत्रैव तपस्तपति स्म । तत्र अगस्त्येश्वरमहादेवमन्दिरमस्ति । तस्मिन् मन्दिरे नित्यं भगवतः शिवस्य पूजा भवति । एतत् मन्दिरं स्थापत्यकलायाः उत्कृष्टम् उदाहरणमस्ति ।
अस्मिन् मण्डले अन्यानि वीक्षणीयानि स्थलानि सन्ति । यथा – गुप्तकाशी, जखोली, सोनप्रयाग, खिर्सू, गौरीकुण्डः, देवरीयाताल, उखीमठ, वासुकीताल ।
बाह्यानुबन्धः सम्पादयतु
http://www.mapsofindia.com/maps/uttaranchal/districts/rudraprayag.htm
http://dcrud.uk.gov.in/ Archived २०१४-०२-०८ at the Wayback Machine
http://www.euttaranchal.com/uttaranchal/rudraprayag.php
http://timesofindia.indiatimes.com/topic/Rudraprayag-district