जन्म कर्म च मे दिव्यम्...
भगवद्गीतायाः श्लोकः ४.९
श्लोकः
सम्पादयतु
- जन्म कर्म च मे दिव्यमेवं यो वेत्ति तत्त्वतः ।
- त्यक्त्वा देहं पुनर्जन्म नैति मामेति सोऽर्जुन ॥ ९ ॥
अयं भगवद्गीतायाः चतुर्थोध्यायस्य ज्ञानकर्मसंन्यासयोगस्य नवमः(९) श्लोकः ।
पदच्छेदः
सम्पादयतुजन्म कर्म च मे दिव्यम् एवं यः वेत्ति तत्त्वतः त्यक्त्वा देहं पुनर्जन्म नैति माम् एति सः अर्जुन ॥ ९ ॥
अन्वयः
सम्पादयतुअर्जुन ! यः मे दिव्यं जन्म कर्म च तत्त्वतः वेत्ति सः देहं त्यक्त्वा पुनर्जन्म न एति । माम् एति ।
शब्दार्थः
सम्पादयतु- अर्जुन = हे अर्जुन
- यः = यः पुरुषः
- मे = मम
- दिव्यम् = अलौकिकम्
- जन्म = जननम्
- कर्म च = क्रियां च
- तत्त्वतः = यथार्थम्
- वेत्ति = जानाति
- सः = सः पुरुषः
- देहम् = शरीरम्
- त्यक्त्वा = विसृज्य
- पुनर्जन्म = पुनर्जन्म
- न एति = न प्राप्नोति
- माम् = माम्
एति = लभते ।
अर्थः
सम्पादयतुहे अर्जुन ! मम एतत् जन्म कर्म च अलौकिकमिति यः पुरुषः यथार्थं जानाति सः शरीरत्यागे सति पुनर्जन्म नाप्नोति प्रत्युत मामेव प्राप्नोति ।
शाङ्करभाष्यम्
सम्पादयतुतत्-जन्मेति। जन्म मायारूपं, कर्म च साधुपरित्राणादि, मे मम दिव्यमप्राकृतमैश्वरमेवं यथेक्तं यो वेत्ति तत्तवतस्तत्त्वेन यथावत्त्यक्त्वा देहमिमं पुनर्जन्मपुनरुत्पत्तिं नैति न प्राप्नोति मामेत्यागच्छति स मुच्यते हेऽर्जुन।।9।।
|
सम्बद्धाः लेखाः
सम्पादयतुबाह्यसम्पर्कतन्तुः
सम्पादयतु| विकिमीडिया कॉमन्स् मध्ये जन्म कर्म च मे दिव्यम्... सम्बन्धिताः सञ्चिकाः सन्ति। |
उद्धरणम्
सम्पादयतुअधिकवाचनाय
सम्पादयतु- गीताप्रवेशः, द्वितीयभागः, प्रथमखण्डः, ISBN - 978-81-88276-39-8, संस्कृतभारती
- श्रीमद्भगवद्गीतायाः परिचयात्मकलेखः
- श्रीमद्भगवद्गीतायाः मूलपाठः
- श्रीमद्भगवद्गीताशाङ्करभाष्येण सह आङ्ग्लानुवादः
- श्रीमद्भगवद्गीताशाङ्करभाष्येण सह
- श्रीमद्भगवद्गीता सान्वयम्, आङ्ग्लानुवादश्च